As de oanwêzigen útnoege wurde om nei it prachtige, tapaslike spylplak te rinnen, wurdt frege om in kleurich amerke mei sân mei te nimmen nei de lokaasje. Dan kin elkenien de problemen mar fuortendaliks bedobje. Dit is it begjin fan al dy ‘each-iepeners’, dy ‘t de Boer hantearret om de taskôger mei te nimmen nei in probleem, dêr ‘t de hjoeddeiske mienskip mei sit: stek de kop mar yn it sân of smyt mar wat sân oer de soargen; lykas de sanearre jiskebulte, dêr ‘t op spile wurdt. Tekstspandoeken mei útspraken út it deistige libben konfrontearje elkenien mei it mienskipsprobleem. As men allegearre by in spegelwand delgien is, dy ‘t yn de ferhaalline letter werom komt, wurdt de tribune berikt.