De deadebetinking is eins in soart jierwikseling. Om 19:59:59 hâldt it iene jier op en om 20:02:01 begjint it oare. Dêr tuskenyn leit in nimmenslân, in faze dy’t letterlik neatsizzend is, mar figuerlik beslist net. De lêste jierren wurdt it stiltemomint ek hieltyd swierder. Waarden de redes en foardrachten oer oarloch en frijheid soms in bytsje klisjeemjittige ferhalen, mei de mondiale spanningen fan hjoed frontaal yn byld hearre se krekt hiel aktueel.